Hakha Post No.2/35 Thawngpang Tawi:

Typography

*Hakha Peng Hranhring khua Covor tivarek Mini Hydro cu August 24 zaan ah a tung meng khat a vang furlung 2 kau in a cimh hnawh i nawng nih a chilh dih hna i laak awk tlak loin an rawk. Khuapi nih hmanmi dinti pipe zong a dawh dih caah dinti ngei lo in an um. Kansunghmi hi sing 20 leng man a si" tiah Hranghring khuabawi Pu Ngun Kio nih Hakha Post aha chim.

*Auto Sang lamlai ka ah rangtum sendung cu August 25, Sunday ni zingah a dir i a dirnak in a celh ti lo i a thi. A orhlei hnak le a liang tang ah hma a um. A thi tamtuk a chuak. Khuabawi sinah thanh a si nain a ngeitu theih a si lo caah Auto sang upa nih motor an hlan i, an phum.

*Kala pa nih kawl nu ngakchia a tlaih i dawh cah lo in a tuah caah khuami zakhat hrawng nih Muslim inn le dawrkhan hna mei in an duah i inn 38 a kang, facang rialnak seh zong a tel,a rawkralmi inn dihlak (44) a si tiah theih a si. (BBC, August 25)

*Hakha Dawthar ah Yangon mithman dawr ngeitu pa cu phung ning lo in HaKha ah athudirmi tiin nawlngeitu nih August 26 ah Hakha khua in chuah ding nawl an pek. "Khuabawi nih nithum umnak in ({nfhpm&if;) a ka tuahpiak. Hakha ahhin ka umnak kum 15 hrawng a si cang i, a hlan ah khuabawi lei in ingtaungsuh cazin zong an ka tuahpiak.Atu mah ti an ka ti tikah nawl ngeitu zong zaangfah ka nawl hna. Myone Ohchohzihmu zong ka nawl i mah hi ca na ngeihmi hin um khawh a si ko a ka ti" tiah a chim. Khuabawi Hrang Kep nih "phung lo ning in um khawh a si lo, atu hi a phungning in na umnak hlun ah va kal law pungsan pahra tha tein vung la law a phungning tein na um ko lai tiah timi a si" tiah Dawrthar khuabawi Pu HrangKep nih a chim.

*September 15 ah LBC kum 22 tlinnak chuahcham cu sang kip hla zuamnak he hlunghlai
ngai in hman an i tim. LBC hi September 15,1991 ah rak thawk a si i atu ah member 950
leng an si. Hlan deuh ah cun biakinn an rak ngei lo i biakinn an lim hnu cun pumh zong sia a
rem ngai cang tiah theih a si. (Salai Lungthli Tum, Ygn.)

*Matupi Myone Ohchohzihmu Cup cu August 23 ah honnak an tuah. Mah Group cu: 10 hna cu: Cangbong, Khuaboi, Longvan, Ngala, Pyitthezi, Pingngiazi, Phanaeng, Ngaleng, Hlangpang, Tthannah Pawngsung an si. Atu hi an chuih cuahmah lio a si.

*BCES (Burma center for Ethnic Studies) nih August 28-29 tiang Dr. Lian Hmung Sakhong
hmang in Fedral kong he pehtlaih in training ni Yangon ah a tuah lai. Ramchung party representative (kuzale), organization tam ngai an i tel lai ti a si. Dr Lian Hmung Sakhong hi Shan ram Lashio, Kaya ram Luaikaw le Kachin ram Mitkyina hna ah training a tuah dih in atu Yangon a um lio a si. NLD hruaitu Aung San Suu Kyi le a dang cozah lutlai zong ton a timh hna tiah theih a si. (Salai Lungthli Tum,Ygn.)